「最初同佢打麻將嗰陣佢好可愛，佢俾人搞大咗個肚，我陪佢一齊去墮胎，佢嗰陣都好溫柔，估唔到嚟到香港，成個人變晒。」梁耀強說：「夜晚，我等佢返嚟，煮晚飯俾佢食、洗衫、同佢按摩，有時佢唔返嚟瞓，我都會送早餐去便利店俾佢食。
「我唔想殺佢，我幫佢止血嗰陣，佢同我講，佢最愛係個女，識咁多個男人，最鍾意係我，但係唔知點解，佢會背叛我！佢話可能係因為太愛我，要令我緊張佢，先至會同其他男人搞，仲話估唔到35歲就死喺我手上！」梁耀強邊哭邊說：「我當時同佢講，我已經俾咗機會你，我從未對一個女人咁上心，我一心一意搵份正職，想俾安穩幸福生活佢…我好錫老婆(楊秀瑜)，從來無打佢，識我啲人都話我係好老公！…佢擺明俾綠帽我戴，而家攬住一齊死啦！」梁耀強說：「我盡一切、孤注一擲投入呢段感情，但輸咗！我只希望阿女唔好學老竇，為咗個情字搞成咁，要俾心機讀書！我而家同個死人無分別，希望可留啲嘢俾個女。
「其實我好鍾意阿瑜，佢亦好鍾意我，我哋呢段感情好真實，但突然殺出個程咬金，佢成日發經理夢，佢識得幾多個男仔？臨死嗰刻都唔講。」梁耀強說。
「殺咗佢就無咁多是非，我最唔順氣，係佢死都唔肯招個姦夫出嚟！我好想攞個避孕套去驗啲指紋同精液，睇吓邊個係姦夫。」在探員警誡下，梁耀強說出行兇的前因後果。
案發前，梁耀強已察覺楊秀瑜趁他到內地醫病，帶男人回家，也留下不少痕跡，只是她死口不認，他亦沒有足夠證據。為令楊秀瑜無從抵賴，梁耀強更積極尋找罪證，楊秀瑜雖然明知梁耀強要捉姦在床，但對她來說卻有另一種刺激，他對情夫說，這種「被捉姦」的感覺，令她想起也有性高潮。陳北勝卻沒有楊秀瑜那麼樂觀，他擔心一旦被梁耀強當場捉住，難免要受皮肉之苦。
不過，楊秀瑜卻一定要陳北勝在她的家中幽會，在事發前一日的下午，她和陳北勝在家兩度性交。每次幽會後，楊秀瑜把載有避孕套的垃圾袋，丟到樓下兩三層的梯間，但卻又在家中留下一些偷情證據，每當看到梁耀強氣急敗壞的樣子，她就急不及待與他做愛，從而享受性高潮。
2009年9月11日下午，梁耀強致電楊秀瑜，問是否要他買菜回家煮飯。楊秀瑜稱約了朋友吃晚飯，但電話傳來男人的聲音，梁耀強問那個男人是誰，楊秀瑜聲稱是電視聲，梁耀強知道她不喜歡看電視，感到事有蹺蹊，放工後立刻趕回家。
梁耀強連升降機也不搭，由樓梯直跑上去，在二樓後樓梯一個垃圾筒，看到一個他當天早上買餅乾用的包裝袋，他當時把包裝袋棄於家中垃圾筒。
他好奇將袋打開來看，袋內除紙巾外，還有一個盛有精液的粉紅色避孕套，他用電話拍下避孕套的照片，再將避孕套拿回家。梁耀強回家時，楊秀瑜仍未返家，他不動聲色，先到廚房看一看垃圾筒，看看早上丟棄的包裝袋還在不在，發現垃圾袋已被更換，垃圾筒空無一物。楊秀瑜一向不做家頭細務，更不會自己倒垃圾，梁耀強聯想到剛檢獲的避孕套，打電話叫楊秀瑜立刻回家。
楊秀瑜回家後，梁耀強將避孕套遞到楊秀瑜面前，質問說：「呢個避孕套係邊個用過！」楊秀瑜推開梁耀強持避孕套的手，對他說：「你都知我有避孕套敏感，我同人做愛點會用避孕套？我同你咁耐，你唔知咩？你今日死咗老竇呀？亂咁問！」(6/9)
