我以一個普通市民看林鄭政府，顯得左支右絀，完全無能力處理今次暴亂，只是一再軟弱回應，譴責、嚴厲譴責、再嚴厲譴責……。一般市民，由撑政府止暴制亂，到如今充滿問號，是政府無能力;還是不願;抑或不曉得如何處理？
18萬公務員調動無方
其實，整個政府有18萬公務員，但我見抵抗黑衣暴力的，只有警察。現在，已經來到生死存亡，政府如何讓市民知道、有信心、参與抗暴。
林鄭、李家超、鄭若驊、張建宗講左無數次止暴制亂，支持警察，但我識嘅所有警察都話︰政府推佢哋去死，佢哋連家人都保護唔到，好憤怒，好沮喪。
我諗起一套電影叫《集結號》。前綫士兵死守防綫，未聽到集結號角聲，便不退不撤，後方庸官則貪污黷職，庸碌無能，拒絕支援，玩弄政治，最後死傷 慘重，一敗塗地。
最懂法律的DoJ, 有沒有向法庭上訴暴徒的保釋申請，那些嚴重毆打襲擊警察、被控暴動罪的暴徒，為何可保釋，每一單這種也反對、上訴保釋申請，要讓法庭知道嚴正立場呀！
律政司從不解釋法例
DoJ為何不出來解釋法例？警員自衛保護生命變開槍謀殺？進入商埸拘捕暴徒變非法闖入私人地方？扣留問話調查變非法禁錮？搜身變性侵？當警察忙於每日4點開記招卻被猛烈惡意攻擊時，DoJ會否搞番個法例熱講5分鐘幫下手，以專業獨立方解釋法例，在各電視買時間，讓暴徒、青年、學生知道暴動的法律代價，讓市民知道生活日常權利，讓黃絲垃圾議員律師收口。DoJ會否話俾全民知，佢哋會緊急增聘、外聘、調配人手，成立專責小组處理今次暴亂案件，加快檢控程序……
政府最叻嘅跨部門應變组在那裏？保安局牽頭、包括各大紀律部門反暴特遣隊在那裏？
運輸署牽頭，包括各大運輸糸统的應變調配组又如何？肯定是有的，但它的工作我們很不清楚。
食環署教育局不作為
食環可否加聘人手，在警員在場或安全情況下，恊助清理路障。清理塗鴉是重要的文宣、立場工作，你塗污，我即刻清理，劃清界線，立場鮮明，點解要市民自發做？
教育局點解唔可以强硬D，反對罷課，DQ發布仇警鼓吹暴力教師，派視學官睇仇中學校活動，連小學生都戴口罩學衝擊！點解唔巡視！關注！監督！
政務司長、公務員事務局更加要立塲鲜明地要求公務員不得參加反政府集會，發表反政府仇中、港獨、鼓吹暴力言論，一經證實，加速程序纪律延訊解顧。這是行政指令，喜歡JR的請隨便。
大學資助委員會是否應該考慮，公布，一經定罪學生將不會獲得資助。
香港電台火上加油
至於變成了醜陋黄絲怪獸的RTHK，已不存希望，還不改革，尚待何時。當此緊急時候，它尚且不協助政府，解釋政策，公布每日情况，應對措施，只是火上加油。如果我無聽错，好似上星期六搵黃浩銘講香港社運，我話不如請陳浩天、陳雲講港獨啦，好讓政府醒來立下決心名正言順清洗一次。
飛行服務隊會否主動提供空中巡邏各區……
財政司司長公布、撥款利民措施。社署、勞工署帮助失業工人家庭。成立唔到財委會就緊急法撥款囉。朱凯迪、民主派可JR政府派錢利民解困。派咗先算啦。
伊館對話鬧劇一場
文宣工作似乎係零，伊館對話會只是鬧劇一場。海外經貿辦事處有無向外地敘述今次暴亂，解釋政府措施，為警方行動護航。
太多、太多……。我有時間寫，你哋都可能無時間睇。我只是一腔不憤，無處宣泄。我是小市民，對話會又抽唔到籤，攞個mic當busking出街頭講肯定俾曱甴打死，匹夫之勇累你做帛金就無謂啦！唯有寫D嘢掟去特首同各大司局長email box.，應該都無人會睇。你哋覺得OK就forward share吓，當然唔係啱哂可行啦！或者可以啟發、感動下啲20幾萬一個月嗰D人啦！
不過你話全民撑警，止暴制亂，就要立場鲜明，人人出力。
林鄭如果連上面所講嘅措施都無諗過、做唔出、唔想做、唔敢做、叫唔郁佢下面D局長、部門首長做，就不如下台换人，由中央指派，唔好阻住打曱甴。
下午都係約個民建聯議員傾下偈，當心理輔導都好。
支援何時到？集結號何時吹起？
為官避事平生耻！禍國殃民枉為人！
普通市民
