潛離大嶼山抵中環賣「米奇」
來到童話國香港迪士尼用膳，大家吃着只此一家神級米奇等造型點心、糕餅，必定拍案驚奇；惟神級點心只限於園區，迪士尼餐飲團隊心有不甘蟄伏大嶼山10多年，決定首次跳島出走中環，駕著首部米奇流動廚車，參加旅發局香港美酒佳餚巡禮。由中、西、甜點三大廚泡製全新造型米奇食品，俘虜童心不再的城中人。
記者/攝影：蔡朗清
不說不知，香港迪士尼餐飲團隊多達1,900人，負責樂園及三間酒店旗下20間餐廳等餐飲服務，每日泡製近1,000款中西等美食。迪士尼餐飲團隊餐飲總監黃龍慶喜形於色開腔說，任職迪士尼四年，好開心今次能跳出大嶼山，首次參加本月25至28日旅發局主辦美酒佳餚巡禮，特別出走迪士尼，在中環海濱展區設立「Mickey’s Kitchen」，「我哋第一次搞咗架米奇流動廚房車，走出樂園到中環賣米奇食品，畀唔入園嘅巿民同遊客，可以食到迪士尼獨一無二嘅美食，成個團隊都好開心。」
集中、西、甜點三大廚神
革命性的離家出走，還看迪士尼中、西、甜點三大廚神的功力，包括行政西廚麥錦駒、廚師長胡發祺及總餅師陸繼光，泡製了三道集迪士尼千樣美食與一身、別幟一格的中環街頭美食，分別是「迪士尼魔法點心」、「華特三重奏」及「米奇廚房甜品薈」。
食阿Jack落肚
其中行政西廚麥錦駒坦稱，為了炮製這道華特三重奏，夜深人靜，午夜夢迴，都在想華特三重奏，「雖然只係三重奏，但用咗好多食材，最重要靈魂，加入咗迪士尼元素喺入邊。」麥廚笑稱，其中一奏「阿Jack帶子蟹肉芝士慕絲多士，因為係萬聖節，做咗阿JacK個樣落去。」夠膽吃阿Jack入肚嗎？
甜品玩抽象
另一邊總餅師陸繼光牙擦擦回應麥廚，「我呢道『米奇廚房甜品薈』甜品，手到拿來，好似米妮紅桑子慕絲餅，我無用米妮個樣，而喺用咗佢耳仔同戴住頂紅色帽，等大家意會一下。」掩掩映映，不能窺全豹，讓人猶有餘韻，大廚想法，不同凡響。
三眼仔點心最難做
廚師長胡發祺則沒有這麼輕鬆，直指迪士尼公仔點心，難度遠遠較其他西廚、甜點為高，「全部用人手造，無番十年八載浸返嚟功力，就做唔到。」他說，正如今次做的迪士尼魔法點心，包括米奇煎薄餅、綠色小人菜肉包、米奇叉燒包及木乃伊素菜包，粒粒皆辛苦，「四款中最難做嘅喺三眼仔，人手要做到隻隻眼都一樣大細固然難，更難喺佢會笑嘅嘴巴。」
三大廚各擅勝長，但不約而同說，今次第一次賣街，人來人往，所以設計食品大原則是一口清，「企係街頭食，唔想啲客咁狠狽，做細啲一啖就食落肚。」
第一次賣街，團隊之一的餐飲部營運經理、溫柔婉轉趙幗思說，當然要有優惠益街坊，每款售價120元，買兩款220元；同場還會推出會場限定的香港居民專享優惠，「迪士尼朋友自助餐套票」(二餐或三餐)，港人可以83折或78折優惠，品嚐2間或3間樂園酒店自助餐，還可以跟一眾迪士尼朋友見面。(二餐套票為成人HK$988、三餐套票為成人HK$1,288)。問及米奇米妮等會否到場協力擺檔，餐飲團隊大賣關子說：「到時你嚟就會有驚喜。」
